Աստվածճանաչողություն հաղորդելու, որոշակի քրիստոնեական աշխարհայացք
և արժեհամակարգ հայ հասարակության մեջ ձևավորելու և պարզ հավատ ներշնչելու համար անհրաժեշտ է մանկուց երեխաներին ծանոթացնել Սուրբ Գրքին և Աստծուն, նրա մեջ դաստիարակել քրիստոնեական արժեքներ, որով կապահովվի մեր ժողովրդի զավակների
հոգևոր անվտագությունը, և կմեծանա ազգային եկեղեցական արժեքները կրող սերունդ: Այսօր, երբ հայ հասարակության մեջ առաջացել են լուրջ սոցիալական խնդիրներ, փոփոխության է ենթարկվել հայ ընտանիքի մոդելը, ի հայտ են եկել այնպիսի չարաբաստիկ երևույթներ, ինչպիսիք են ընտանեկան բռնությունները, թմրամոլությունը, ընդհանուր բարոյական անկումը և այլն, Հայ Եկեղեցին կարևորում է հոգևոր կրթության զորացումը, որը կօգնի աստվածաշնչային լույսի ներգործությամբ հայ մանուկի, ընտանիքին և հասարակությանը հաղթահարելու
վերոհիշյալ չարիքները և զերծ մնալ դրանցից:
Այս ամենին հասնելու համար անհրաժեշտ են հոգևոր դաստիարակություն ապահովող դպրոցներ, որոնք, բնականաբար, պետք է համալրված լինեն համապատասխան որակավորված մասնագետներով: Այս ասպարեզում ծառայող մասնագետներ պատրաստելը Շիրակի թեմի համար այսօր առաջնային խնդիր է, որի համար էլ ձեռնարկվել է Կիրակնօրյա /մեկօրյա/ դպրոցների ուսուցիչների պարրաստման դասընթացներ:
Դասընթացներն իրականանում են Շիրակի թեմի բարեխնամ առաջնորդ Գերշ. Տ. Միքայել Եպս. Աջապահյանի օրհնությամբ, <<Վորլդ Վիժն>> միջազգային քրիստոնեական կազմակերպության Հայաստանի գրասենյակի աջակցությամբ, թեմի բանիմաց և պատրաստակամ հոգևորականների ջանքերով: